សេចក្តីបង្គាប់នេះត្រូវបានធ្វើឡើងដោយក្រុមប្រឹក្សាអាជ្ញាកណ្តាលទៅលើករណីវិវាទនៃភាគី ក្រុមហ៊ុន បូវឃើរ ហ្គាមេន ហ្វេកធើរី (ខេមបូឌា)​ ខមភេនី លីមីធីត (និយោជក) និងភាគីតំណាងកម្មករនិយោជិតក្នុងការដោះស្រាយវិវាទការងាររួមនៃក្រុមហ៊ុន បូវឃើរ ហ្គាមេន ហ្វេកធើរី (ខេមបូឌា)​ ខមភេនី លីមីធីត (កម្មករនិយោជិត)។ យោងតាមសេចក្តីបង្គាប់អាជ្ញាកណ្តាលមានការទាមទារចំនួន១ពីកម្មករនិយោជិត នៅក្នុងរបាយការណ៍ផ្សះផ្សាមិនសះជារួមមាន៖ ១) និយោជកផ្តល់ការឈប់សម្រាកពិសេសចំនួនប្រាំពីរថ្ងៃក្នុងមួយឆ្នាំដល់កម្មករដោយមានការកាត់ថ្ងៃឈប់សម្រាកប្រចាំឆ្នាំ ហើយនិយោជកផ្តល់ការឈប់សម្រាកពិសេសពី១ ទៅ៣ ថ្ងៃបន្ទាប់ពីអតីតភាពការងាររបស់កម្មករ។ សេចក្តីសម្រេច និងបង្គាប់នៃសេចក្តីបង្គាប់នេះ ការ​ទាមទារ​របស់​សហជីព​ត្រូវ​បាន​បដិសេធ។ នេះគឺជាសេចក្តីបង្គាប់មិនជាប់កាតព្វកិច្ច។

• ភាសាខ្មែរ