[ពង្រាង] ការវាយតម្លៃហេតុប៉ះពាល់បរិស្ថាន និងសង្គម លើគម្រោងវារីអគ្គិសនីកំចាយ ខេត្តកំពត របស់ក្រុមហ៊ុន SINOHYDRO KAMCHAY HYDROELECTRIC CO., LTD.

• កម្ពុជា

• Electricity production
• Hydropower dams

• Sinohydro Kamchay Hydroelectric Project Co. Ltd.

• រដ្ឋមន្ត្រីក្រសួងសេដ្ឋកិច្ច និងហិរញ្ញវត្ថុ
• រដ្ឋមន្ត្រីក្រសួងរ៉ែ និងថាមពល

ការចូលមកកាន់គេហទំព័រនេះ ឬប្រើប្រាស់មូលដ្ឋានទិន្នន័យនៅលើគេហទំព័រនេះ បានន័យថា អ្នកទទួលស្គាល់ថាអ្នកមានទំនួលខុសត្រូវទាំងស្រុង លើការពឹងផ្អែក លើគ្រប់ព័ត៌មានផ្តល់ឱ្យនៅលើគេហទំព័រនេះ ហើយយល់ព្រមថាអ្នកនឹងមិនបង្ករអន្តរាយ ឬ ទាមទារឱ្យមានការទទួលខុសត្រូវពីបុគ្គល ឬអង្គភាពពាក់ព័ន្ធនឹងការអភិវឌ្ឍទម្រង់ និងខ្លឹមសាររបស់គេហទំព័រនេះ សម្រាប់រាល់ការបាត់បង់ ការខូចប្រយោជន៍ ឬ អន្តរាយដែលកើតចេញពីការប្រើប្រាស់គេហទំព័រនេះ។

• ភាសាខ្មែរ

• កំពត

ទិន្នន័យមេត្រូវបានធ្វើបច្ចុប្បន្នភាពចុងក្រោយនៅថ្ងៃទី ២២ ខែមេសា ឆ្នាំ ២០២១។ សម្រាប់ចម្ងល់នានា សូមទាក់ទងមកកាន់ អង្គការទិន្នន័យអំពីការអភិវឌ្ឍ អាសយដ្ឋាន៖ ផ្ទះលេខ ៤៣, ផ្លូវ ២០៨, សង្កាត់បឹងរាំង, ខណ្ឌដូនពេញ, រាជធានីភ្នំពេញ, ប្រទេសកម្ពុជា។ ទូរស័ព្ទ៖ +855 23 221 164, អ៊ីម៉ែល៖ contact@opendevecam.net; គេហទំព័រ៖ https://opendevelopmentcambodia.net

SAWAC Consultants for Development

អាស័យដ្ឋាន៖ ផ្ទះលេខ០១ ផ្លូវលេខ២៥៩ សង្កាត់ទឹកល្អក់១ ខ័ណ្ឌទួលគោក រាជធានីភ្នំពេញ។

ក្រុមហ៊ុន Sinohydro KAMCHAY Hydroelectric Project Co., Ltd ជាក្រុមហ៊ុនវិនិយោគលើវិស័យវារីអគ្គិសនីនៅប្រទេសកម្ពុជា ដែលមានរយៈពេល ៤៤ឆ្នំា រាប់ទំាងរយៈពេលសាងសង់ ៤ឆ្នាំ។ ក្រុមហ៊ុននេះ ជាសាខាមួយរបស់ក្រុមហ៊ុន SINOHYDRO Corporation Limited (SINOHYDRO) នៃសាធារណរដ្ឋប្រជាមានិតចិន ដែលបានដេញថ្លៃប្រកួតប្រជែងជាចំហ និងលក្ខណៈអន្តរជាតិ យកសិទ្ធិធ្វើការវិនិយោគ ដែលបានធ្វើឡើងកាលពីខែមិថុនា ២០០៤ ដល់ ខែមករា ២០០៥។ ក្រុមហ៊ុន ទទួលបានចំណាត់ថ្នាក់លេខមួយ ហើយនៅថ្ងៃទី ២៣ ខែ កុម្ភៈ ឆ្នំា ២០០៦ ក្រសួងឧស្សាហកម្ម រ៉ែ និងថាមពល និងក្រសួងសេដ្ឋកិច្ច និងហិរញ្ញវត្ថុ បានចុះកិច្ចសន្យាស្តីពីការវិនិយោគទុនប្រភេទ "BOT" លើគម្រោងអភិវឌ្ឍន៍វារីអគ្គិសនីកំចាយ ខេត្តកំពត ជាមួយក្រុមហ៊ុននេះ ដោយគម្រោងនេះមានតម្លៃវិនិយោគសរុប ៣៣០ លានដុល្លារអាមេរិក។

-គម្រោងនេះនឹងផ្តល់ការងារដល់ប្រជាពលរដ្ឋកម្ពុជា ដូចជាក្នុងដំណាក់កាលសាងសង់ គម្រោងត្រូវការបុគ្គលិក-កម្មករ ៤០នាក់ ក្នុងនោះប្រជាពលរដ្ឋក្នុងមូលដ្ឋានចំនួន៣០នាក់ និងបុគ្គលិក-កម្មករចិន ចំនួន១០នាក់។ នៅក្នុងដំណាក់កាលប្រតិបត្តិគម្រោង នឹងត្រូវជ្រើសរើសបុគ្គលិក-កម្មករ ចំនួន ១៥នាក់ ក្នុងនោះ ប្រជាពលរដ្ឋមូលដ្ឋាន ០៧នាក់ និងបុគ្គលិក-កម្មករចិន ០៨នាក់ ។ -គម្រោងនឹងបង្កើតប្រាក់ចំណូលដល់ប្រជាពលរដ្ឋកម្ពុជា ជាពិសេសប្រជាពលរដ្ឋក្នុងសហគមន៍មូលដ្ឋាន តាមរយៈការចូលបំរើ ការងារជាបុគ្គលិក-កម្មករ ទាំងពេលសាងសង់ និងពេលប្រតិបត្តិការ។

គម្រោងនេះនឹងមានការបណ្តុះបណ្តាលមន្ត្រីជំនាញកម្ពុជា សម្រាប់បន្តដំណើរការ ក្រោយពីក្រុមហ៊ុនបញ្ចប់កិច្ចសន្យាជា មួយរាជរដ្ឋាភិបាល។

ក្រុមហ៊ុនបានអនុវត្តវិធានការកាត់បន្ថយ អំឡុងពេលដំណាក់កាលរចនា និងសាងសង់គម្រោង ដំណាក់កាលប្រតិបត្តិ និងដំណាក់កាលបញ្ចប់គម្រោង ដោយរួមបញ្ចូលការសិក្សាទៅលើ សណ្ឋានដី និងឋានលេខា ការហូរច្រោះ ប្រព័ន្ធជលសាស្ត្រ ទឹកលើដី គុណភាពខ្យល់ គុណភាពទឹក គុណភាពដី ធនធានជីវសាស្ត្រ ធនធានព្រៃឈើ និងជំរកសត្វព្រៃ ការរស់នៅ និងមុខរបររបស់សហគមមូលដ្ឋាន ប្រពៃណី វប្បធម៌ និងសាសនា ប្រព័ន្ធផ្គត់ផ្គង់ទឹកស្អាត ផ្លូវគមនាគមន័ សុខភាពសាធារណៈ សោភ័ណ្ឌភាព និងហានិភ័យជាដើម។

គម្រោងនេះ នឹងជួយកាត់បន្ថយការប្រើចរន្តអគ្គីសនី ចេញពីកំលាំងម៉ាសុីនដើរដោយឥន្ទនៈ និងធ្យូងថ្ម ដែលបានបញ្ចេញឧស្ម័នកាបូនមូណូអុកសុីត និងកាបូនឌីអុកសុីតឬកាបូនិច ជាប្រភពបង្កអោយមានឧស្ម័នផ្ទះកញ្ចក់។ ខ្សែបញ្ជូនចរន្តតង់ស្យុងខ្ពស់ ២៣០ KV ពីវាល់ត្រង់ស្វូ នៃអគារថាមពលទី១ ទី២ និងទី៣ របស់វារីអគ្គិសនីកំចាយប្រវែង ១១.០៥ គ.ម ទៅអនុស្ថានីយ៍កំពត នឹងមានការផ្គត់ផ្គង់ចរន្តអគ្គិសនីបន្ថែមទៀតទៅកាន់ខេត្តព្រះសីហនុ តាកែវ និងរាជធានីភ្នំពេញ ដើម្បីឆ្លើយតប ទៅនឹងតម្រូវការក្នុងការអភិវឌ្ឍដ៏មានប្រសិទ្ធភាពសំរាប់ប្រទេសជាតិ។​ ស្របទៅនឹងនយោបាយកាត់បន្ថយភាពក្រីក្ររបស់រាជរដ្ឋាភិបាលកម្ពុជាគម្រោងនេះនឹងធ្វើឱ្យប្រជាពលរដ្ឋមានលទ្ធភាពប្រើប្រាស់អគ្គិសនីមានតម្លៃថោកក្នុងការងារកសិកម្ម។ ជាងនេះទៅទៀត ប្រជាពលរដ្ឋក៏អាចមានជីវភាពល្អប្រសើរថែមទៀត នៅពេលពួកគាត់មានថាមពលនេះដើម្បីការងារសិប្បកម្មនានា ហើយក៏ជាការទាក់ទាញឱ្យមានរោងចក្រ ឧស្សាហកម្មខ្នាតធំ និងតូច កើតមាននៅតាមតំបន់។ ម្យ៉ាងវិញទៀត គម្រោងមានការបង់ផ្ទាល់ចូលចំណូលថវិកាជាតិ តាមរយៈបង់ពន្ធអាករ។

• គម្រោងបានចេញសំណងលើផលប៉ះពាល់ផ្នែកសង្គមរួមមាន សំណងផលប៉ះពាល់លើចំការ ដីស្រែ ដំណាំ និងជួលដីជុំវិញការដ្ឋានយកថ្មសរុប ៣.៥០០.០០០ ដុល្លារ ក្នុងនោះ ៣.៣៤៨.៩០០ ដុល្លារជាសំណងពិតប្រាកដ និង ១៥១.១០០ ដុល្លារ ចំណាយផ្សេងៗ។ គម្រោងស្តារបរិស្ថាន ១២.០០០.០០០ ដុល្លារ សម្រាប់ដំណាក់កាលសាងសង់រយៈពេល ៤ឆ្នាំ និង ៥.៥០០.០០០ ដុល្លារ សម្រាប់ដំណាក់កាលក្រោយសាងសង់ រយៈពេល ៤០ឆ្នាំ។​
• ក្រៅពីនេះ ក្រុមហ៊ុននឹងសាងសង់ទំបន់នៅផ្នែកខាងក្រោមទំនប់ទីពីរ ដើម្បីអភិរក្សត្រីពូជ ដែលមានប្រភពពីតំបន់គម្រោង និងតំបន់ជុំវិញ។ ក្រុមហ៊ុនក៏ផ្តល់ពូជត្រីក្នុងស្រុក ដោយប្រលែងចូលក្នុងតំបន់អភិរក្ស និងជុំវិញតំបន់គម្រោង រយៈពេល ១០ឆ្នាំ ចំនួន ១០០.០០០ក្បាល ក្នុងមួយឆ្នាំ។
• គម្រោងនឹងជួយឧបត្ថម្ភសម្រាប់មន្ត្រីជលផល ០៤រូប ក្នុងការអភិរក្សធនធានជលផល ក្នុងតំបន់ដែលក្រុមហ៊ុននឹងសាងសង់ទំបន់អាងអភិរក្សត្រី ផ្នែកខាងក្រោមទំបន់ទី២ ក្នុងម្នាក់ ៣០០ដុល្លារ/ខែ សរុប ១៤.៤០០ ដុល្លារ/ឆ្នាំ។
• គម្រោងនឹងជួយឧបត្ថម្ភសម្រាប់អនុរក្សព្រៃឈើ ០៥រូប ក្នុងការអភិរក្សធនធានព្រៃឈើជុំវិញ និងក្នុងតំបន់គម្រោង ក្នុងម្នាក់ ៣០០ដុល្លារ/ខែ សរុប ១៨.០០០ដុល្លារ/ឆ្នាំ។
• ក្រុមហ៊ុនផ្តល់ថវិកាសម្រាប់ការដាំដុះព្រៃឈើឡើងវិញ នៅជុំវិញ និងក្នុងតំបន់គម្រោង រយៈពេល ២០ឆ្នាំ ចំនួន ៤.០០០.០០០ ដុល្លារ។

https://opendevelopmentcambodia.net/news/cambodia-dams-benefits-exclude-people-in-its-vicinity/#!/story=post-77940