កាលពីថ្ងៃទី ២៨ ខែកក្កដា ឆ្នាំ២០១៣ ការបោះឆ្នោតជាតិឆ្នាំ២០១៣ សម្រាប់នីតិកាលទី៥ នៃរដ្ឋសភានៅប្រទេសកម្ពុជា ត្រូវបានរៀបចំនិងប្រព្រឹត្តទៅនៅ ១៩,០០៩ ការិយាល័យបោះឆ្នោត នៅទូទាំងប្រទេស។ នៅប្រទេសកម្ពុជា ការចុះឈ្មោះបោះឆ្នោត និងការបោះឆ្នោត មិនមែនជាកាតព្វកិច្ចទេ។ ចាប់ពីឆ្នាំ១៩៩៣ មក ការបោះឆ្នោតជាតិឆ្នាំ២០១៣ មានប្រជាពលរដ្ឋទៅបោះឆ្នោតគិតជាភាគរយទាបជាងបណ្តាការបោះឆ្នោតជាតិនាឆ្នាំកន្លងទៅ ត្រឹមតែ ៦៩.៦១ភាគរយ ប៉ុណ្ណោះ នៃចំនួនអ្នកបានចុះឈ្មោះសរុប ៩,៦៧៥,៤៥៣។ នេះគឺជាការបោះឆ្នោតជាតិនិងក្រោមជាតិ លើកទី១១ ដែលត្រូវបានរៀបចំឡើង ដោយគណៈកម្មាធិការជាតិរៀបចំការបោះឆ្នោត។

• ភាសាអង់គ្លេស