របាយការណ៍នេះពិនិត្យអំពីការកេងប្រវ័ញ្ច និងការរំលោភបំពានផ្លូវភេទលើកុមារដែលសម្របសម្រួលដោយបច្ចេកវិទ្យា និងរបៀបដែលឧបករណ៍ និងវេទិកាឌីជីថលអាចត្រូវបានប្រើប្រាស់ ដើម្បីបង្ហាញកុមារឱ្យប្រឈមនឹងខ្លឹមសារផ្លូវភេទ ទាក់ទាញ ឬស្នើសុំខ្លឹមសារផ្លូវភេទ បង្ខិតបង្ខំ គំរាមកំហែង ជំរិតយក ឬចែករំលែកខ្លឹមសារផ្លូវភេទដែលពាក់ព័ន្ធនឹងកុមារ។ របាយការណ៍ក៏បង្ហាញពីរបៀបដែលបច្ចេកវិទ្យាអាចពង្រីក និងសម្របសម្រួលការរំលោភបំពាន និងការកេងប្រវ័ញ្ចផ្លូវភេទលើកុមារ ទាំងនៅក្នុងបរិបទអនឡាញ និងក្រៅអនឡាញ។

របាយការណ៍នេះផ្អែកលើទិន្នន័យស្ទង់មតិកុមារដែលប្រើប្រាស់អ៊ីនធឺណិតប្រមាណ ២១,០០០ នាក់ អាយុពី ១២ ដល់ ១៧ ឆ្នាំ នៅក្នុងប្រទេសចំនួន ២១ ព្រមទាំងការសម្ភាសន៍ស៊ីជម្រៅជាមួយយុវជនចំនួន ១០០ នាក់ដែលធ្លាប់ជួបប្រទះការរំលោភបំពានក្នុងវ័យកុមារ។ ការសិក្សានេះបង្ហាញពីទំហំ និងផលប៉ះពាល់នៃការរំលោភបំពានផ្លូវភេទដែលសម្របសម្រួលដោយបច្ចេកវិទ្យា ព្រមទាំងបញ្ហាប្រឈមក្នុងការស្វែងរកជំនួយ និងការរាយការណ៍ករណីរបស់កុមារ។ ការស្រាវជ្រាវនេះក៏រួមបញ្ចូលទិន្នន័យពីប្រទេសកម្ពុជា និងជាផ្នែកមួយនៃគម្រោង Disrupting Harm ដែលអនុវត្តរួមគ្នាដោយ UNICEF, ECPAT International និង INTERPOL។

• ភាសាខ្មែរ