របាយការណ៍ស្តីពី "ប្រជាធិបតេយ្យ ការបោះឆ្នោត និងកំណែទម្រង់" គឺជាកិច្ចការបន្តរបស់គណៈកម្មាធិការដើម្បីការបោះឆ្នោតដោយសេរី និងយុត្តិធម៌នៅកម្ពុជា (ខុមហ្វ្រែល) សំដៅវាយតម្លៃស្ថានភាពប្រជាធិបតេយ្យប្រចាំឆ្នាំ នៅប្រទេសកម្ពុជា។ ការវាយតម្លៃនេះ ត្រូវបានធ្វើឡើងដោយផ្អែកលើការស្វែងរកឃើញរបស់អង្គភាពតាមឃ្លាំមើលរបស់ខុមហ្វ្រែល៖ ឃ្លាំងមើលរដ្ឋាភិបាល ឃ្លាំមើលរដ្ឋសភា ឃ្លាំមើលប្រព័ន្ធផ្សព្វផ្សាយ ឃ្លាំមើលការបោះឆ្នោត និង ឃ្លាំមើលសមភាពយែនឌ័រ។ របាយការណ៍បង្ហាញថា កង្វះអភិបាលកិច្ចតាមបែបប្រជាធិបតេយ្យ នៅតែជាឧបសគ្គចម្បងសម្រាប់ដំណើរការប្រជាធិបតេយ្យនៅឆ្នាំ២០១១។ អំណាចនីតិប្រតិបត្តិ នៅបន្តគ្របសង្កត់លើអំណាចរដ្ឋាភិបាលផ្សេងទៀត។ អំណាចនីតិប្បញ្ញត្តិ និងតុលាការ ខ្វះឯករាជ្យភាព និងខ្វះអំណាច ដើម្បីធានាឲ្យមានតុល្យភាពអំណាចរបស់នីតិប្រតិបត្តិ។

• ភាសាអង់គ្លេស