ការបោះឆ្នោតនៅកម្ពុជាមានភាពរីកចំរើនគួរអោយកត់សំគាល់តាំងពីឆ្នាំ ១៩៩៣។ ទោះជាការបោះឆ្នោតឃុំសង្កាត់នៅក្នុងឆ្នាំ ២០០៧ គឺជាបទពិសោធន៍ដ៏ល្អបំផុត ប៉ុន្តែចំនួនអ្នកបោះឆ្នោតមានត្រឹមតែ ៦៧ភាគរយ ដែលបានធ្វើអោយមានក្តីបារម្ភក្នុងចំណោមអ្នកពាក់ព័ន្ធលើការងារបោះឆ្នោត។ ចំនួនទាបនៃអ្នកទៅបោះឆ្នោតបានលើឡើងជាចម្ងល់ទាក់ទងទៅនឹងគុណភាពនៃបញ្ជីឈ្មោះអ្នកបោះឆ្នោត។ គណៈកម្មការរៀបចំការបោះឆ្នោតជាតិ (NEC) គណៈបក្សនយោបាយ និងអង្គការសង្គមស៊ីវិលនានាបានជំរុញអោយ អង្គការ NICFEC និង COMFREL ដើរតួរក្នុងការដឹកនាំលើការតាមដានការរៀបចំបោះឆ្នោត(EMOs) ដោយមានការធ្វើសវនកម្មមជាលក្ខណៈវិទ្យាសាស្ត្រលើបញ្ជីឈ្មោះអ្នកបោះឆ្នោតនាពេលបច្ចុប្បន្ន ដើម្បីកំណត់នូវបញ្ហា។ EMOs បានសហការជាមួយវិទ្យាស្ថានប្រជាធិបតេយ្យជាតិសម្រាប់កិច្ចការអន្តរជាតិ (NDI) ដែលមានការិយាល័យនៅកម្ពុជា សម្រាប់ជំនួយបច្ចេកទេស ដោយមានការយល់ស្របពីអង្គការ NDI។ NDI បានធ្វើការជាមួយមជ្ឈមណ្ឌលសម្រាប់ការសិក្សាដែលមានវឌ្ឍនៈភាព (CAS) ដែលជាស្ថាប័នមានឈ្មោះបោះសម្លេងលើការសិក្សាស្រាវជ្រាវ ក្នុងការផ្តល់ជំនួយបច្ចេកទេសលើកិច្ចសវនកម្មនេះ។

• ភាសាអង់គ្លេស