កិច្ចសន្ទនាមណ្ឌលបោះឆ្នោត គឺស្រដៀងគ្នាទៅនឹងកិច្ចសន្ទនាក្នុងកិច្ចប្រជំុរបស់សាលាក្រុង ហើយសាធារណជនទូទៅត្រូវបានស្វាគមន៍ឲ្យចូលរួម។ ក្រោមការសម្របសម្រួលដោយបុគ្គលិកមានបទពិសោធន៍របស់វិទ្យាស្ថានជាតិប្រជាធិបតេយ្យ វេទិការនេះផ្តល់ឱកាសដល់ប្រជាជននៅតាមសហគមន៍រវាង ២៥០ ទៅ ១,០០០នាក់ ចូលរួមលើកជាសំណួរ និងសម្តែងការព្រួយបារម្ភ ដោយផ្ទាល់ទៅកាន់អ្នកតំណាងតាមមណ្ឌលបោះឆ្នោតនីមួយៗ ដែលជាសមាជិករដ្ឋសភា។ ចាប់ពីខែតុលា ឆ្នាំ២០១២ រហូតមកដល់ ខែមីនា ឆ្នាំ២០១៣នេះ វិទ្យាស្ថានជាតិប្រជាធិបតេយ្យ បានរៀបចំ ១២ កិច្ចសន្ទនាមណ្ឌលបោះឆ្នោត នៅ១២ខេត្ត ជាមួយនឹងតំណាងពីគ្រប់គណបក្សនយោបាយនៅក្នុងរដ្ឋសភា៖ បន្ទាយមានជ័យ បាត់ដំបង កំពង់ចាម កំពង់ឆ្នាំង កំពង់ស្ពឺ កំពង់ធំ កំពត កណ្តាល ព្រៃវែង សៀមរាប និងតាកែវ។

• ភាសាអង់គ្លេស