ឯកសារគោលនយោបាយនេះ ត្រូវបានម្ចាស់ការរៀបចំដោយក្រុមមន្ត្រីបច្ចេកទេសជាន់ខ្ពស់របស់ក្រសួងសេដ្ឋកិច្ច និងហិរញ្ញវត្ថុ ដោយបានសិក្សាដកពិសោធន៍ពីប្រទេសមួយចំនួនលើពិភពលោកដែលទទួលបានជោគជ័យក្នុងការរៀបចំ និងអនុវត្តគម្រោងវិនិយោគសាធារណៈ តាមយន្តការភាពជាដៃគូរវាងរដ្ឋ និងឯកជនជាពិសេស ប្រទេសក្នុងទ្វីបអាស៊ី ព្រមទាំងធាតុចូលដែលទទួលបានពីការចូលរួមក្នុងវេទិកាពិគ្រោះយោបល់ថ្នាក់តំបន់ និងពីដៃគូអភិវឌ្ឍន៍មួយចំនួន។ ទន្ទឹមនេះ ការរៀបចំ “ឯកសារគោលនយោបាយស្តីពីការអភិវឌ្ឍយន្តការភាពជាដៃគូរវាងរដ្ឋ និងឯកជន សម្រាប់គ្រប់គ្រងគម្រោងវិនិយោគសាធារណៈ ២០១៦-២០២០” ត្រូវបានធ្វើឡើងដោយផ្អែកលើបរិការណ៍បច្ចុប្បន្ននៃកម្ពុជាផង និងក៏អនុលោមតាមការអនុវត្ត និងនិន្នាការជាសកលផងដែរ។

• ភាសាខ្មែរ