របាយការណ៍ គឺជាលទ្ធផលនៃបេសកកម្មរបស់បណ្តាញអាស៊ីសម្រាប់ការបោះឆ្នោតដោយសេរី (អានហ្វ្រែល) អង្កេតការបោះឆ្នោតជ្រើសតាំងតំណាងរាស្រ្តរបស់ប្រទេសកម្ពុជា ដែលធ្វើឡើងនៅថ្ងៃទី ២៧ ខែកក្កដា ឆ្នាំ២០០៨ ចាប់ពីថ្ងៃទី១៨ ដល់ថ្ងៃទី ៣០ ខែកក្កដា ឆ្នាំ២០០៨។ អ្នកសង្កេតការណ៍ សរុបចំនួន ១១នាក់ មកពីប្រាំបីប្រទេសផ្សេងគ្នា ត្រូវបានដាក់ពង្រាយនៅប្រាំបីខេត្តគោលដៅនៃប្រទេសកម្ពុជា ដើម្បីតាមដានបរិស្ថានមុនការបោះឆ្នោត និងថ្ងៃបោះឆ្នោត។ "ជាទូទៅ ការបោះឆ្នោតជ្រើសតាំងតំណាងរាស្រ្តនីតិកាលទី៤ ត្រូវបានធ្វើឡើងក្នុងបរិយាកាសសន្តិភាព និងស្ងប់ស្ងាត់។ យ៉ាងនេះក្តី បើទោះបីជាដំណើរការបោះឆ្នោតបង្ហាញពីការកែលម្អរប្រសើរជាងមុននៅតាមតំបន់ខ្លះ បើធៀបនឹងការបោះឆ្នោតមុនៗ ការបោះឆ្នោតនេះ មិនអាចចាត់ទុកថា ជាការបោះឆ្នោតប្រកបដោយយុត្តិធម៌ទេ"។

• ភាសាអង់គ្លេស