នៅឆ្នាំ២០១៩ ប្រព័ន្ធហិរញ្ញវត្ថុកម្ពុជាបានប្រឈមនឹងហានិភ័យមួយចំនួនទាំងពីកត្តាខាងក្រៅ និងខាងក្នុង។ ចំពោះហានិភ័យខាងក្រៅ ភាពមិនច្បាស់លាស់និងការអូសបន្លាយនៃភាពតានតឹងពាណិជ្ជកម្ម និងកំណើនយឺតជាងការរំពឹងទុកនៃសេដ្ឋកិច្ចចិនបានធ្វើឱ្យកំណើនសេដ្ឋកិច្ចពិភពលោកមានកម្រិតទាបជាងមុន។ ហានិភ័យខាងក្នុងចំពោះសេដ្ឋកិច្ច រួមមាន ភាពមិនប្រាកដប្រជាចំពោះការដកប្រព័ន្ធអនុគ្រោះពន្ធអ្វីៗគ្រប់យ៉ាងលើកលែងសព្វាវុធពីសហភាពអឺរ៉ុប និងវត្តមាននៃការផ្តល់ប្រាក់កម្ចីដោយផ្ទាល់ពីក្រុមហ៊ុនអភិវឌ្ឍន៍អចលនទ្រព្យមួយចំនួនដោយមិនមានការត្រួតពិនិត្យ គួបផ្សំនឹងកំណើនឥណទានយ៉ាងឆាប់រហ័សទៅកាន់វិស័យសំណង់និងអចលនទ្រព្យ។

• ភាសាខ្មែរ