ចាប់ពីថ្ងៃទី២ ខែសីហា ដល់ថ្ងៃទី ៦ ខែសីហា ឆ្នាំ២០១៣ គណៈកម្មាធិការជាតិរៀបចំការបោះឆ្នោត (គ.ជ.ប.) បានទទួល ៤៨ របាយការណ៍ទាក់ទងនឹងភាពមិនប្រក្រតីនៃការបោះឆ្នោតជ្រើសតាំងតំណាងរាស្រ្ត នៅ ១១ រាជធានី ខេត្ត ទូទាំងប្រទេស ដូចជា រាជធានីភ្នំពេញ បាត់ដំបង កំពង់ឆ្នាំង កំពង់ស្ពឺ កណ្តាល ក្រចេះ ព្រះវិហារ ព្រៃវែង ពោធិ៌សាត់ តាកែវ និងឧត្តរមានជ័យ មកពី ៥ ភាគីពាក់ព័ន្ធ រួមមាន គណបក្សសង្គ្រោះជាតិ គណបក្សប្រជាជនកម្ពុជា គណបក្សហ្វ៊ុនស៊ិនបុិច អាជ្ញាធរ និងប្រជាពលរដ្ឋ។ គ.ជ.ប. ទទួលស្គាល់ថាភាពមិនប្រក្រតីនៃការបោះឆ្នោតដែលបានរាយការណ៍ ពិតជាកើតមានមែន ប៉ុន្តែភាពមិនប្រក្រតីនេះត្រូវបានអះអាងថាមិនមានផលប៉ះពាល់ធ្ងន់ធ្ងរលើលទ្ធផលនៃការបោះឆ្នោតជ្រើសតាំងតំណាងរាស្រ្ត នីតិកាលទី៥ ទេ។

• ភាសាអង់គ្លេស
• ភាសាខ្មែរ