របាយការណ៍ឆ្នាំ២០១៣ របស់គណៈកម្មាធិការខុមហ្វ្រែល ពិនិត្យនិងវាយតម្លៃលើស្ថានភាពនៃដំណើរការប្រជាធិបតេយ្យ នៅប្រទេសកម្ពុជា។ របាយការណ៍វិភាគ អភិបាលប្រជាធិបតេយ្យ ការបោះឆ្នោតប្រជាធិបតេយ្យ និងការចូលរួមប្រជាធិបតេយ្យ។ ដូចគ្នានឹងបណ្តាឆ្នាំមុនៗដែរ គណៈកម្មាធិការសង្កេតឃើញពីការបន្តធ្លាក់ចុះនៃដំណើរការប្រជាធិបតេយ្យនៅក្នុងប្រទេស ២០ឆ្នាំបន្ទាប់ពីការបោះឆ្នោតជាតិលើកទីមួយ រៀបចំដោយអ៊ុនតាក់។ សាធារណជនច្រើនឡើង បង្ហាញពីការមិនសប្បាយចិត្តពាក់ព័ន្ធនឹងភាពមិនច្បាស់លាស់ខាងនយោបាយ ដែលនាំឲ្យមានកូដកម្ម បាតុកម្ម និងការតវ៉ាបង្ហាញពីការមិនពេញចិត្តផ្សេងទៀត។ គិតមកដល់បំណាច់ឆ្នាំ២០១៣ ការប៉ះទង្គិចគ្នាបណ្តាលឲ្យមានការបាត់បង់ជីវិត រវាងកងកម្លាំង គណបក្សប្រឆាំង និងកម្មកររោងចក្រធ្វើកូដកម្ម បង្ហាញពីវិបត្តិនយោបាយនិងសង្គមកាន់តែស៊ីជ្រៅ បន្តរហូតដល់ឆ្នាំ២០១៤។ ការអភិវឌ្ឍន៍ខាងនយោបាយក្នុងប្រទេស បានបង្ហាញពីការធ្វើដំណើរថយក្រោយនៃលទ្ធិប្រជាធិបតេយ្យ។

• ភាសាអង់គ្លេស