ការផ្តោតជាពិសេសនៃរបាយការណ៍នេះគឺ «ឧបសគ្គរចនាសម្ព័ន្ធ ក្រុមហ៊ុន និងអាជីវកម្មចំពោះ ផលិតភាពការងារ»។ ប្រទេសកម្ពុជា នឹងចាំបាច់ត្រូវកែលម្អដំណើរការផលិតភាពរបស់ខ្លួនឱ្យបានខ្លាំងនៅក្នុងរយៈពេលប៉ុន្មានទសវត្សរ៍ខាងមុខ ដើម្បីរក្សាបាននូវអត្រាកំណើនសេដ្ឋកិច្ចខ្ពស់ និងសម្រេចបានចក្ខុវិស័យរបស់ខ្លួនក្នុងការក្លាយជាប្រទេសដែលមានប្រាក់ចំណូលខ្ពស់ឱ្យបានឆាប់រហ័ស។ កន្លងមក កំណើនផលិតភាពមិនមែនជាកត្តាដ៏សំខាន់ក្នុងការជំរុញកំណើនសេដ្ឋកិច្ចឡើយ ហើយកម្រិតផលិតភាពការងាររបស់កម្ពុជាមានកម្រិតទាបខ្លាំង បើធៀបនឹងប្រទេសក្នុងតំបន់របស់ខ្លួននៅគ្រប់វិស័យនៃសេដ្ឋកិច្ច។ ផ្នែកអត្ថបទផ្ដោតពិសេសនៃរបាយការណ៍នេះ បង្ហាញវិស័យកំណែទម្រង់អាទិភាពចំនួនបួន ដើម្បីគាំទ្រដល់ការផ្លាស់ប្តូរយ៉ាងឆាប់រហ័សឆ្ពោះទៅរកគំរូកំណើនដែលដឹកនាំដោយ ផលិតភាពកាន់តែខ្លាំងនៅក្នុងប្រទេសកម្ពុជា។

• ភាសាអង់គ្លេស