ការចុះឈ្មោះបោះឆ្នោត ដែលមានរយៈពេលបីខែ បានចាប់ផ្តើមពីថ្ងៃទី ១ ខែកញ្ញា ដល់ថ្ងៃទី ២៩ ខែវិច្ឆិកា ឆ្នាំ២០១៦។ បើទោះជាមានការដាក់ឲ្យប្រើប្រព័ន្ធចុះឈ្មោះបោះឆ្នោតថ្មីដែលត្រូវបានធ្វើទំនើបកម្ម និងកិច្ចខិតខំរបស់គណៈកម្មាធិការជាតិរៀបចំការបោះឆ្នោត (គ.ជ.ប.) ប្រជាពលរដ្ឋប្រមាណជា ៧.៨៧ លាននាក់ បានចុះឈ្មោះលើបញ្ជីឈ្មោះអ្នកបោះឆ្នោតឆ្នាំ២០១៦ ដោយជោគជ័យ ក្នុងចំណោមប្រជាពលរដ្ឋមានសិទ្ធិបោះឆ្នោតសរុប ៩.៦លាននាក់ ស្មើនឹង ៨១.៤៧% ប៉ុណ្ណោះ។ របាយការណ៍ បានគូសបញ្ជាក់ពីការព្រួយបារម្ភខ្លះៗ ដូចជា ការចេញលិខិតបញ្ជាក់ទីកន្លែងស្នាក់នៅបម្រើឲ្យការចុះឈ្មោះជូននគរបាល និងទាហាន មិនមានការគាំទ្រដល់ក្រុមងាយរងគ្រោះ (ព្រះសង្ឃដែលគ្មានអត្តសញ្ញាណប័ណ្ណ និងកម្មករចំណាកស្រុក) និងការអប់រំ និងផ្សព្វផ្សាយព័ត៌មានអំពីការចុះឈ្មោះមិនគ្រប់គ្រាន់ដល់អ្នកបោះឆ្នោត។

• ភាសាអង់គ្លេស