អនុក្រឹត្យនេះត្រូវបានចេញដោយរាជរដ្ឋាភិបាលកម្ពុជា ដែលបានសម្រេចចាត់ចញ្ចូលជាទ្រព្យសម្បត្តិរបស់រដ្ឋ នូវទីតាំងដូចជា៖ (១) ទីតាំងអតីតចំណតរថយន្ត ១៣មករា ខេត្តបាត់ដំបង ដែលមានដីទំហំ ៤ ៦១៣ ម៉ែត្រក្រឡា ស្ថិត នៅក្រុងបាត់ដំបង ខេត្តបាត់ដំបង, (២) ទីតាំងដីកសិកម្មបឹងត្នោត ខេត្តកណ្ដាល ដែលមានទំហំ ៨៣៥ ៩៩៣ ម៉ែត្រក្រឡា ស្ថិតនៅភូមិសត្យ ស្រុកស្អាង ខេត្តកណ្ដាល, (៣) ទីតាំងមន្ទីរផែនការ ខេត្តព្រះសីហនុ ដែលមានដីទំហំ ២ ៧០០ ម៉ែត្រក្រឡា ស្ថិតនៅផ្លូវ ២៨មិថុនា ភូមិ១ សង្កាត់លេខ៣ ខណ្ឌមិត្តភាព ក្រុងព្រះសីហនុ ខេត្តព្រះសីហនុ, (៤) ទីតាំងមន្ទីរធម្មការ និងសាសនា ខេត្តព្រះសីហនុ ដែលមានដីទំហំ ២ ៥០៦ ម៉ែត្រក្រឡា ស្ថិតនៅ ផ្លូវ ២៨មិថុនា ភូមិ១ សង្កាត់លេខ៣ ខណ្ឌមិត្តភាព ក្រុងព្រះសីហនុ ខេត្តព្រះសីហនុ, (៥) ទីតាំងមន្ទីរកិច្ចការនារី ខេត្តព្រះសីហនុ ដែលមានដីទំហំ ៣ ១៦៨ ម៉ែត្រក្រឡា ស្ថិតនៅផ្លូវ ២៨មិថុនា ភូមិ១ សង្កាត់លេខ៣ ខណ្ឌមិត្តភាព ក្រុងព្រះសីហនុ ខេត្តព្រះសីហនុ និងមជ្ឈមណ្ឌលស្ត្រី មាន ដីទំហំ ២ ០១២ ម៉ែត្រក្រឡា, (៦) ទីតាំងអធិការដ្ឋានរដ្ឋបាលព្រៃឈើឈូងសមុទ្រខេត្តព្រះសីហនុ ដែលមានដីទំហំ ៣ ៥៤៦ ម៉ែត្រក្រឡា ស្ថិតនៅផ្លូវ ២៨មិថុនា ភូមិ១ សង្កាត់លេខ៣ ខណ្ឌមិត្តភាព ក្រុងព្រះសីហនុ ខេត្តព្រះសីហនុ។

• ភាសាខ្មែរ