រាជរដ្ឋាភិបាលកម្ពុជាទទួលស្គាល់ថាបច្ចេកវិទ្យាព័ត៌មាន និងសារគមនាគមន៍ (បពស) នឹងក្លាយជាឧបករណ៍ ដ៏សំខាន់ដើម្បីអភិវឌ្ឍសេដ្ឋកិច្ច និងឧស្សាហកម្មរបស់ប្រទេស និងលើកកម្ពស់ជីវភាពរស់នៅរបស់ប្រជាពលរដ្ឋ។ ដូច្នេះ ហើយបានជារាជរដ្ឋាភិបាលកម្ពុជាបានបន្តពង្រឹងបរិយាកាសអំណោយផល បង្កភាពងាយស្រួលដល់ការយក មកប្រើប្រាស់នៅគ្រប់សកម្មភាពទាំងអស់នៃការរស់នៅរបស់ប្រជាពលរដ្ឋ។ រាជរដ្ឋាភិបាលកម្ពុជាមានចក្ខុវិស័យអភិវឌ្ឍ និងធ្វើទំនើបកម្មឧស្សាហកម្មរបស់ប្រទេស ពីឧស្សាហកម្មដែលប្រើប្រាស់កម្លាំងពលកម្មទៅជាឧស្សាហកម្មផ្អែកលើពុទ្ធិ និងបំណិនត្រឹមឆ្នាំ២០២៥ តាមរយៈការបង្កើតនូវសេដ្ឋកិច្ចឧស្សាហកម្មទំនើបដោយប្រើប្រាស់ឧបករណ៍បច្ចេកវិទ្យា និងពុទ្ធិជាមូលដ្ឋាន។

• ភាសាអង់គ្លេស