រដ្ឋបាលតំបន់សេដ្ឋកិច្ចពិសេស ដ្រេហ្គន ឃីង បាវិតត្រូវបានបង្កើតឡើងនៅសង្កាត់ព្រៃអង្គុញ ក្រុងបាវិត ខេត្តស្វាយរៀង។ សមាសភាពរបស់រដ្ឋបាលនេះរួមមានប្រធាន១រូប ដែលជាតំណាងពីគណៈកម្មាធិការតំបន់សេដ្ឋកិច្ចពិសេសកម្ពុជា និងសមាជិក៥រូបដែលជាតំណាងពីក្រសួងពាណិជ្ជកម្ម ទីចាត់ការគយនិងរដ្ឋករ នាយកដ្ឋានត្រួតពិនិត្យទំនិញនាំចេញ-នាំចូលនិងបង្ក្រាបការក្លែងបន្លំនៃក្រសួងពាណិជ្ជកម្ម ក្រសួងការងារនិងបណ្តុះបណ្តាលវិជ្ជាជីវៈនិងអាជ្ញាធរខេត្តស្វាយរៀង។ រដ្ឋបាលនេះមានតួនាទីសំខាន់ៗមួយចំនួនដូចជា៖ ត្រួតពិនិត្យមុខជំនាញសមត្ថកិច្ចចំពោះការនាំចេញ-នាំចូលនៃទំនិញនិងបែបបទគយ ត្រួតពិនិត្យការអនុវត្តរបស់អ្នកអភិវឌ្ឍនិងអ្នកវិនិយោគលើរាល់សកម្មភាពក្នុងតំបន់ដោយផ្អែកតាមគោលការណ៍ដែលបានកំណត់ ត្រួតពិនិត្យលើសំណើរសុំចុះបញ្ជីវិនិយោគនិងការចេញលិខិតអនុញ្ញាត្តិនានា រួមមានវិញ្ញាបនប័ត្រប្រភពដើមនៃទំនិញ។

• ភាសាខ្មែរ