សារាចរណ៍នេះ មានគោលបំណងដើម្បីទប់ស្កាត់ការរីករាលដាលនៃជំងឺកូវីដ១៩ ដែលកំពុងរីករាតត្បាតជាសកល ពិសេសកំពុងមានភាពធ្ងន់ធ្ងរនៅបណ្ដាប្រទេស នៅអឺរ៉ុប សហរដ្ឋអាមេរិក និងអឺរ៉ង់ ដែលនាំឱ្យមានផលប៉ះពាល់ដល់សុខភាពប្រជាពលរដ្ឋទូទៅ។ រាជរដ្ឋាភិបាលដាក់ចេញនូវវិធានការចំនួន ៤ ដើម្បីណែនាំដល់ទាំងប្រជាពលរដ្ឋ និងស្ថាប័នរដ្ឋាភិបាល បុគ្គលិកមន្ត្រីរាជការ ទាំងថ្នាក់ជាតិ និងថ្នាក់ក្រោមជាតិ ផ្អាកការធ្វើដំណើរទៅបណ្តាប្រទេសខាងលើ រួមទាំងការចូលរួមកិច្ចប្រជុំគ្រប់ប្រភេទ។ ចំពោះមន្ត្រីរាជការ និងប្រជាពលរដ្ឋដែលទើបវិលត្រលប់មកពីបណ្តាលប្រទេសខាងលើ ត្រូវដាក់ខ្លួនឱ្យនៅដោយឡែកក្នុងរយៈពេល ១៤ថ្ងៃ គិតចាប់ពីថ្ងៃដែលបានត្រលប់មកដល់ព្រះរាជាណាចក្រកម្ពុជាវិញ ស្របតាមនីតិវិធីកំណត់ដោយក្រសួងសុខាភិបាល។

• ភាសាខ្មែរ