សេចក្តីបង្គាប់នេះត្រូវបានធ្វើឡើងដោយក្រុមប្រឹក្សាអាជ្ញាកណ្តាលទៅលើករណីវិវាទនៃភាគី ក្រុមហ៊ុន ឌិ អ៊ីមភៀរៀល អង្គរ តែលេស ហូថេល (សណ្ឋាគារ ឡឺម៉េរីឌានអង្គរ) (និយោជក) និងភាគីតំណាងកម្មករនិយោជិតក្នុងការដោះស្រាយវិវាទការងាររួមនៃក្រុមហ៊ុន ឌិ អ៊ីមភៀរៀល អង្គរ តែលេស ហូថេល (សណ្ឋាគារ ឡឺម៉េរីឌានអង្គរ) (កម្មករនិយោជិត)។ យោងតាមសេចក្តីបង្គាប់អាជ្ញាកណ្តាលមានការទាមទារចំនួន១ពីកម្មករនិយោជិត នៅក្នុងរបាយការណ៍ផ្សះផ្សាមិនសះជារួមមាន៖ ១) សហជីពបានទាមទារឱ្យក្រុមហ៊ុនផ្តល់ប្រាក់ឈ្នួលពី ៦៥% ទៅ ៨៥% នៃប្រាក់ឈ្នួលធម្មតា ហើយនិយោជកត្រូវចាត់វិធានការចំពោះក្រុមគ្រប់គ្រងសណ្ឋាគារចំពោះការព្យាយាមដាក់សម្ពាធកម្មករឱ្យលាលែង។ សេចក្តីសម្រេច និងបង្គាប់នៃសេចក្តីបង្គាប់នេះដំណើរការអាជ្ញាកណ្តាលត្រូវ​បាន​បញ្ចប់ ខណៈ​ភាគី​សហជីព​មិន​បាន​ចូល​រួម​ក្នុង​សវនាការ។ នេះគឺជាសេចក្តីបង្គាប់មិនជាប់កាតព្វកិច្ច។

• ភាសាខ្មែរ