សេចក្តីបង្គាប់នេះត្រូវបានធ្វើឡើងដោយក្រុមប្រឹក្សាអាជ្ញាកណ្តាលទៅលើករណីវិវាទនៃភាគី ក្រុមហ៊ុនឃែនធើរេន អឹភែរឹល (ខេមបូឌា) (និយោជក) និងភាគីតំណាងកម្មករនិយោជិតក្នុងការដោះស្រាយវិវាទការងាររួមនៃក្រុមហ៊ុនឃែនធើរេន អឹភែរឹល (ខេមបូឌា) (កម្មករនិយោជិត)។ យោងតាមសេចក្តីបង្គាប់អាជ្ញាកណ្តាលមានការទាមទារចំនួន៣ពីកម្មករនិយោជិត នៅក្នុងរបាយការណ៍ផ្សះផ្សាមិនសះជារួមមាន៖ ១) និយោជក​បើក​ប្រាក់​ឈ្នួល​ពីរ​ដង​ក្នុង​មួយ​ខែ។ ២) និយោជកដំឡើងទឹកក្តៅ និងត្រជាក់នៅរោងចក្រ។ ៣) និយោជកបង់រួមបញ្ចូលប្រាក់អតីតភាពការងារនៅពេលគណនាប្រាក់បន្ថែមម៉ោង។ សេចក្តីសម្រេច និងបង្គាប់នៃសេចក្តីបង្គាប់នេះ និយោជក​ត្រូវ​បាន​បង្គាប់​ឱ្យ​បើក​ប្រាក់​ឈ្នួល​ពីរ​ដង​ក្នុង​មួយ​ខែ។ បញ្ហា​ទី​ពីរ​ត្រូវ​បាន​ច្រានចោល ហើយ​ក្រុមប្រឹក្សា​បាន​បដិសេធ​មិន​ពិចារណា​បញ្ហា​ទី​បី។ នេះគឺជាសេចក្តីបង្គាប់មិនជាប់កាតព្វកិច្ច។

• ភាសាខ្មែរ